 |
|
Cérémonie d'ouverture
|
|
|
| | | |  | |
Sintezenn prezegenn an Itron Marylise Lebranchu
Hetiñ a ra an Itron Marylise Lebranchu, bet ministrez, Prezidantez Kumuniezh Tolpad-kêrioù Montroulez, degemer mat e Breizh d'an holl sportourien, d'an holl re zo deuet ganto ha d'an holl re a blijo dezho o stourmadennoù a beoc'h.
Trugarekaat a ra ivez an holl re o deus aozet gouel bras ar C'hoarioù Etrekeltiek War Vor, ar vekenazed prevez ha foran zo bet tu da grouiñ ar gouel-mañ a-drugarez dezho.
Degas a ra da soñj deomp :
- eo bet taer-ruz an traoù er bed evidomp-holl er bloaz-mañ ur wech c'hoazh, hon eus bet emzalc'hioù stroll pe hiniennel disheñvel evit a sell an doareoù da ziskoulmañ kudenn pe gudenn. Met a-drugarez d'al liammoù zo etrezomp-ni e c'hallomp lavaret holl asambles ez eo dre hon hêrezhioù sevenadurel omp digor mat war ar sevenadurioù all.
- ar Gelted eo o deus lakaet an identelezh rannet da dalvezout kement. Amañ, dre ar sport hag ar gouel, e c'hallomp adlavaret holl asambles ez eo ar sevenadur, anavezet ha talvoudekaet, na pa vefe eus ar vro pe deuet eus broioù all, pe ar sevenadur o vevañ e lec'h all, un arm hep e bar evit stourm a-enep d'an dañjerioù kumuniezhel. Start-tre eo bet da Vreizh kavout nerzh ha lorc'h enni. Breizh zo lorc'h enni hiziv an deiz o tiskouez d'an dud pedet ganti pegen mennet eo da vezañ ul lodenn eus Frañs, eus Europa, eus ar bed, hep koll lod eus hec'h identelezh met o reiñ d'ar re all evit ar peoc'h hag ar frankiz rannet.
Klozañ a ra dre embann e vo kaer-meurbet an darvoud etrekeltiek-mañ.
© 2003 Layline Développement |
