 |
C'hoarioù Etrekeltieck War Vor |
 |
|
Jeux Nautiques interceltiques 19 au 25 Juillet 2003 | |||
 | |||
| Bretagne, Finistère, Pays de Morlaix |
 |
||||||||||||
 |
|
An Itron Annick LE LOCH, Besprezidantez ar C'huzul-departamant ha Prezidantez ar gevredigezh Bageal e Penn-ar-Bed war un dro, dileuriet ganti ar Strollad Aozañ, he deus degaset da soñj da gentañ-penn eus orin ar C'hoarioù Etrekeltiek war Vor bet aozet e 1995 e Gourenez Kraozon evit ar wech kentañ. Embannet he deus da-heul pegen laouen e oa-hi o welet kement a obererien eus Penn-ar-Bed hag a obererien vreizhat all oc'h ober o seizh gwellañ evit ma raio berzh an 9vet darvoud sportel-mañ. Pouezet he deus kalz oc'h embann pegen laouen e oa o welet 12 embregerezh prevez gouestlet da genlabourat gant Bageal e Penn-ar-Bed, Bageal e Breizh, ar C'huzul-rannvro, ar C'huzul-departamant, Kumuniezh Kumunioù ha tolpad-kêrioù Bro-Vontroulez ha Gorre ar Vro-Vigoudenn, a aoz ar gouel-mañ. A-hend-all he deus degaset da soñj emañ Kambr Kenwerzh ha Greanterezh Montroulez o labourat da vat, dre arc'hantaouiñ evit darn ha dre aozañ ar Marc'had Keltiek, ma vo graet an eskemmoù ekonomikel kentañ lakaet da wir e-stern ar C'hoarioù bet aozet etre hor broioù. Kadarnaet he deus, a-benn ar fin, pegen pouezus eo diorren ar filierenn verdeiñ evit Kuzul-departamant Penn-ar-Bed ha lavaret he deus d'an dileuridigezhioù ez eus youl gant departamant Penn-ar-Bed da sevel asambles un Europa geltiek hag un Europa troet war-du ar merdeiñ. | ||||||||||
